Gureak.

30 urte gaitasunak lantzen

Irisgarritasuna Direktorioa

Hemen zaude:

Industri atala
Zerbitzu atala
- Goiar
- Galant
- Goroldi
- Guregas
- Goiaran
- Gureserbi
- Gureak Ostalaritza
- Goizik
- Sutondo
Asistentzia-zerbitzuak
Gupost atala
- Marketing
- Dokumentuen trat.
Enpresa partaidetuak

BERRIAK

2010ko Apirilak 20, Asteartea

GOROLDI Gipuzkoan OHSAS 180001 ziurtagiria lortzen duen lehen lorezaintza enpresa bihurtu da

Ziurtagiri honi esker, beste behin ere nabarmentzea lortu du GOROLDI enpresak. Egun enpresa honetan 150 lagunek baino gehiagok lan egiten dute eta gehienak ezgaitasun bat duten pertsonak dira.

GOROLDI S.L., Gureak Taldeako lorezaintza enpresak, Lan Arriskuen Prebentziorako OHSAS 18001 ziurtagiria lortu berri du. Azpimarratu behar da, gainera, enpresako jarduera guztietan lortu duela ziurtagiria eta honekin Gipuzkoan ziurtagiri hau lortzen duen lehen lorezaintza enpresa bilakatu da Goroldi.

OHSAS 18001 nazioartean onartutako ziurtagiria da eta osasunaren kudeaketa sistemak eta laneko segurtasuna bermatzen ditu. Merkataritzako entitate nagusiek eta nazioarteko arauen eta ziurtagirien organismoek sorturikoa da.

OHSAS 18001 ziurtagiriak, besteak beste, ondorengo gaiak barne hartzen ditu: enpresaren planifikazioa arriskuak identifikatu, ebaluatu eta kontrolatzeko; bere estruktura eta erantzukizuna; formakuntza; kontzientziatze eta eskumenaK; emergentzien aurrean erakutsitako prestakuntza eta emandako erantzuna edota errendimenduaren neurtzea, berrikustea eta hobetzea.

Ziurtagiri honi esker, beste behin ere nabarmentzea lortu du GOROLDI enpresak. Egun enpresa honetan 150 lagunek baino gehiagok lan egiten dute eta gehienak ezgaitasun bat duten pertsonak dira.

Esan bezala, GOROLDIk Gipuzkoa mailan lan egiten du eta egun hainbat herrietan presente dago, hala nola Irunen, Errenterian, Astigarragan, Hernanin, Tolosan, Besainen, Olaberrian, Ormaiztegin edota Arrasaten. Herri hauetako parke eta zelaiak txukun mantentzeaz arduratzen da, alegia. Bestalde, enpresa pribatu nahiz publikoetan ere lan egiten du Goroldik, esaterako, KUTXAn, IKUSIn, CAF-en, EITBen, Oronan, Bidasoako Ospitalean, Michelin-en, eta abar. Hauetan, aldiz, barne nahiz inguruko berdeguneak zaintzeaz arduratzen da eta baita barne landareen mantenuaz ere.

<< Berri gehiago