Gureak.

30 urte gaitasunak lantzen

Irisgarritasuna Direktorioa

Hemen zaude:

Industri atala
Zerbitzu atala
- Goiar
- Galant
- Goroldi
- Guregas
- Goiaran
- Gureserbi
- Gureak Ostalaritza
- Goizik
- Sutondo
Asistentzia-zerbitzuak
Gupost atala
- Marketing
- Dokumentuen trat.
Enpresa partaidetuak

BERRIAK

2010ko Maiatzak 14, Ostirala

KAFE BAT? IZENPEAN GUREAK TALDEAK ETA LA CASA DEL CAFÉK OSTALARITZAKO PROIEKTU BERRI BAT JARRI DUTE MARTXAN

• Donostiako Gipuzkoa enparantzan kokatuta, Kafebat? probintzi guztian zehar zabaldu nahi den proiektu honen lehenengo kafetegia da

• Kafebat?-en bitartez Gureak Taldeak desgaitasuna duten pertsonei lana emateaz gain, beren lana nabariagoa egin nahi du..

Gureak Taldeak eta Casa del Cafék kafetegi berri bat martxan jarri dute Donostiako Legazpi kalean, Gipuzkoa enparantza ondoan. Kafebat? izenpean Gureak Taldeak eta Casa del Cafek donostiar guztiak beren kalitatezko kafe eta opilak dastatzera gonbidatu nahi dituzte.

Kafebat? Probintzi guztian zehar zabaldu nahi den proiektuaren lehenengo kafetegia da. Proiektua Gureak Taldea eta Casa del Café arteko elkarlan estuaren fruitua da eta lehenengo kafetegi hau Donostiako boulevard-ean 2002ko abuztutik 2009ko apirilera arte martxan egon zen “Destino Cafetero”ren jarraipena izan nahi du.

Kafetegi berri honen ezaugarri nabariena bere kafearen kalitatea da, bai erabiltzen duten lehengaiagatik, bai bere elaborazioagatik ere. Horrez gain,
kalitate altueneko opilak ere eskaintzen ditu. Azkenik, “take away” moduko frappe eta edari beroetan ere espezializatu nahi du Kafebat?ek. Gureak Taldeko zerbitzu ataleko zuzendaria den Iñigo Oyarzabalek dioenez:”Take Away modalitatea eskatu eta kontsumitzen duen gazte segmentu geroz eta handiagoa dagoela ikusi dugu, hau da, beren edaria kafetegian hartu ordez, horretarako prestatuta dagoen ontzi batetan eraman nahi dutenak modu eroso batetan. Segmentu horri kalitatezko zerbitzua eskaini nahi diegu” adierazi du Oyarzabalek.

Kafebat? Donostiako lehenengo kafetegia da, baina proiektu hau probintzi guztian zehar zabaltzeko intentzioarekin jaio da, pixkanaka-pixkanaka Gipuzkoan zehar kafetegi gehiago irekitzeko intentzioarekin. Denak izaera berdinarekin eta denak kalitate altuko kafe eta opilekin.

Azkenik, Kafebat? proiektua Gureak Taldeko helburu nagusiaren baitan kokatzen da, hau da, desgaitasuna duten pertsonei lan aukerak eman eta beren eginbeharrak nabariagoak egitearen helburua. Kafebat? sei pertsonek osatutako taldearekin jaio da, horietatik hiruk desgaitasuna dute, eta horietatik bik adimen urritasun zorrotza dute, hauek beren Gureak Taldeko lan trebatzailearekin batera, ostalaritzan trebatuko dira terraza eta kafetegiko lanetan laguntzen.

<< Berri gehiago